في المدينة الجامعية بدأ المطر يهطل فجأة….
فدخلت فتاة حسناء إلى وحدة الشباب لتقي نفسها من المطر….!!!!!!
وكانت الزجلية التالية
**************************
................صدفــــة…..؟؟ 17/8/1997 ...............................
صدفة…. ولمْع البرق ضوَّا عالبشر....... رعْــد السما.. شعّل فتيلو و انفجر
صدفة ……وفاتت تتّقي شر الخطر ...............فكّرت حالـــي قاعد بحفلة سمر
****************
من البرد.. عزْفت لحن اسمو تكتكي ........غنـّى قـوافي الشـعر ع خْيوط الوتر
من الريح…غزلت حلم أبيض ليلكي ..........عا شعرها المبلول … تِـتْـحدى المطر
****************
وسكْنت بقلبي وطار ع حدود المدى........خلّـى القصـيدة تدوب من كتر السهر
إنت القصيدة…… و بلبل شفافك شدا .........عن اسمك الميمون : يا ريما الغجر
****************
اطّلعت فيها وغاب من راسي الوعي ......و بلـّـشت دوخ..وطار من عيني النظر
فكّرتْ …….احكي من بداية مطلعي .............أُوصف جمالا و غازل بْأحلى صور
****************
طِلْع الشعر …….. قدامها منّو غني ...... تخبّى بشهْـل عـْـيونها..ومني اعتذر
قلّي يا شاعر : للجـمال بـْتنحنـي ...............ربـْـنا بْجمال عيونها الشّـعر اختصر
***************
عيونك…!!!!؟ 28/6/2002
***************************
عيونك قصايد شعر عم تغلي غلي ..... قديش بعشقهن أنا لا تسألي ؟
عيونك حكاية شعر محكية بخيال .......... فيها حكايا ألف ليلة مكمّلة
و مهما خلق ربنا عيون بْـهالجمال .......... بضّـل عينيك تْثير الأسئلة
لكن جوابي بيطرح عليك السؤال ...... كيف بجمال عيونك بتتحمّلي؟؟؟
***************
عيونك السرّ ما حلُّو و لا رجّال ..... و سر الطبيعة من العيون بينجلي
ومن هيك صار الموت بْعيونك حلال ...... جاهز أنا للموت ,عندي مرجلي
باقي سؤال بتسمحيلي بهالمجال ....... ردّي اذا بيكون في عندك جـــواب :
.......................غيري أنا قديش بدك تقـتـْـلي؟؟؟.. ...............
مافيني بسهم عيوني إقتل فنان .................. المتلك يانور عيوني بقلبي بينصان
السر الما عرفت اتحلو يا فيصل بان............. نوَّر قلبي ووجداني وبعيوني بان
حبَّك شيطان زغيَّر غلغل بالروح............... ومن عيوني سحرو بيَّن متل الشيطان
**************************************
لمّا عْـيونك يا حلوة بالشعر تـْـجول ......... ما رح يبقى وْ لا شاعر الا مقتول
وعن سهم عْيونك ويلي شو بدي قول ....... جندل عنتر و حْصانو جوّا الميدان
**************************************
السر الما عرفت اتحلو يا فيصل بان............. نوَّر قلبي ووجداني و بعيوني بان
حبَّك شيطان زغيَّر غلغل بالروح ........... ومن عيوني سحرو بيَّن متل الشيطان
****************************************
مرة سحرني الهوى بقلب القفص عصفور
وهديوا لابوكي وما كان القصد كرمالو
كرمال عينك إذا بدك أغاني طيور
يسهر يغني لك وتغفي ع موالو
وبالليل جبتي القفص ع غرفتك والنور
تسلل من فتحة الفستان ضوالو
ما كان عندك عِلم تتستري المحظور
العصفور هذا انا ورَح ينشغل بالو
صرتي تفكي العراوي و العجين يفور
والضو يعكس وهج وكنوزك يلالو
يمرق خيالك سحر ع العاشق المسحور
ويجن فيه العشق ويقاتل خيالو
واول ما فاح العطر وتكشف البلور
وقطعه ورا قطعه الحراير عنك انشالو
بلش يروح ويجي وتحرقص ومقهور
بدو يذوق الحلو ومش قادر يطالو
ولما دلقتي الذهب ع شراشف المقصور
وصاروا طيور الثلج يتغنجوا قبالو
تشردق بدمعه وظل بجانحه المكسور
يشبِّق بهاك القفص حتى قتل حالو
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
وهي قصيدة للشاعر موسى زغيب ( أ نــا والـــسهر )
سهران
وحدي..والقلم حدّي
يغافل شرودي و يسرق الردة
والصبح
تا يفيّق مرج أخضر
قصقص تياب الليل تا تقصر
والليل بيفلّ..تا يندي
وحدي و شتي و ليل و صلا و شموع
سهران..بين القافية و الحرف
اكتب و امحي اسمها الموجوع
للمرة العشرين..بعد الألف
حسيّت صرلي شي سنة وأكتر
ما لقي خدّي عالمخدّة
وشمع العاضوّو..كنت عم بسهر
اصفر لونو من السهر قدّي
سألتو..نسي ما عاد يتذكر
ان كنّي أخدت خدّو
يما أخد خدّي
ووصلِت لعندي مرنخة من الطوف
الطوف..المِحي دعسات ماضيها
وبعينها..مَرقو السهر و الخوف
و دشّرو لون التعب فيها
وبلّش يقلّي عقدها المرمر
بتحب؟؟
قلت الحب من ربّي
قالت..الما بيحب ما بيسهر
وليلك سهر لا تجرّب تخبّي
قلت..شِعري ..و شَعرِك الأشقر
اختصرو الدني..و تملكو حبّي
بسهر عا بيت الشعر تا يشفا
وعا وعد شعرِك تايجي لحدّي
وبينك..وبين الشعر ما بغفا
بس القهرني..خلصت المدّة
ورح تهرب الأيام من يدّي
ولا قدرت حبّو
قد ما بدّو
و لا قدرت حبّك..
قد مابدّي
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
إنتحر يا ليل عسطيحة نهاري ............ ضميرك ما قدر يحمل سراري
وبرقك عتم رعدك صمت مطبق .......... وبسطك ضيقين على مداري
أنا الأول أنا ما كنت ملحق ........... رغم ما البعض حبو إختباري
وعطوني بالمصاري مجد مطلق .......... أخذت المجد وشلحت المصاري
وعشباكي ما بزرع شلح زنبق ........... إذا في شوك عشباك جاري
وما بحلم إلبس الطقم المعرق ........... إذا بعرف طفل بالهند عاري
فتحت باب التباري ال كان مغلق .......... وطلبت نسور تنزل من عياري
ةصارو يهجمو سمامن ومطوق .......... ودعاويق وزرازير ودواري
ويا إبن حمدان كنت عليك إشفق .......... تما تكسر قزازك عحجاري
وبعدك على بوابي عم تدقدق ............. هلكت ربي وقلت بدك تباري
ولاحقني مثل قرقور أحمق ............. بقلب الغاب لاحق ذيب ضاري
ما كان بدي معي تغامر وتعلق .............. وأنا موسى بإيدي سيف ناري
وإلي من فراق بو روكز لهلق ............. بقطش روس شعار المنابر
.jpg "7")
.jpg "3")
