مسا الخير
حابه أشارك الجميع وخاصة اهل بلدي في موضوع صار معي
وضايقني كثير .
انا موظفة مجلس، أعمل في مكتب تابع للمجلس ألمحلي.
مكتبي موجود في عمارة مستأجرة تحت قسم إلصحة، الطابق إﻷول فيه 3 غرف، واحدة منهم أداوم بها، ويوجد غرفتين غير مستعملات
وفاضيات وغير مقفلات.
يوم السبت 7.1.17 الظهر خبروني انه من يوم الاثنين انتقلي من هذا المكتب، لمكتب ثاني في قسم المعارف .
خبرتهم انه وظيفتي بتطلب مكان مريح لانه يزوروني طلاب وأهالي، للتوجيه والمساعده في موضوع السموم والكحول، ما بنفع هذا المحل الي قررتوا، ولازم يكون في سرية لﻷهالي وكمان إحترام وحرية إﻷخر.
فطلبت من مدير عام إلمجلس انه يوم الاثنين نقعد ونحكي في الموضوع، وانا ما عندي ايا اعتراض انتقل، بس يكون محل ملائم لطبيعه الشغل .
وخبرت المفتش في الي صار وخبرني يوم الاثنين من الصبح بكون في المجلس، ومنفحص الموضوع .

بتلقى رسائل خطيه يوم السبت تقريبا وقت انتهاء يوم العمل من موظف في المجلس ويسألني اذا وصلت مفتاح المكتب للمجلس.
فكان ردي ليه ؟
لاني ما سالت أصلا من بده يستعمل المكتب .
فجاوبته بدايه الاسبوع بكون جواب بتعلق في هذا الموضوع وطبعا بدايه الاسبوع الاثنين .
فبرد علي بهمنيش شو بكون الجواب، بدّي المفتاح .
باصل يوم الاثنين الصبح وبأخذ المفتاح من المجلس وبروح على المكتب عشان اجهز حالي انتقل، وانه في جلسه بعد ساعه مع المفتش ومدير عام المجلس .
بروح لمكتبي بفتح الباب الرئيسي، وبفوت بلاقي باب المكتب الخاص لشغلي مخلوع ومفتوح ومغيرين ترتيب المكتب ومبعثر المكتب.
اتصلت فورا لرئيس المجلس،ما رد علي ، بعثتلو رساله خطيه، برضو ما رد علي .
ولحد هاي أللحظه ما رد علي .
اتصلت لمدير عام المجلس وخبرته
وطبعآ إلمفتش خبرتو.
وأعلمت ألشرطة.
بعد ما استنيت ثلاث ايام وما في رد من الرئيس ولا من ايا طرف من المجلس على هذا العنف الي صار والتصرف ألهمجي..
فقررت اكتب هذا الستاتوس واشارك أهل إلبلد..

المكتب متواجده فيه كل الملفات الخاصه للأشخاص الي تعالجوا من الادمان على الكحول .
حظر نائب رئيس المجلس لعندي بمبادره منه ، مع المفتش
وخبرنا عن الموظف الي هو كسر الباب.
يوم الاربعاء رحت على المكتب الجديد وبفوت عند مدير القسم الأخ كميل عساقله، وخبرته شو القرار، لانه كمان هو ما عنده علم في إنو تقرر أنتقل للقسم عنده، وأﻷخ كميل عندو علم انه هاي الوظيفه بنفعش تكون في قسم التربيه، وانه هو زمان مقدم انه شغلهن بحاجه لهذا المكتب الي موجود عندو بنفس الطابق.
طيب هذا التصرف الي صار في مكتبي شو بسموه ؟
عنف ؟ سلبطة!! عربدة ؟؟؟
تمرجل على أنثى ؟
عيب والله عيب هذا الوضع .
وبعدين لما بتصل وببعث هودعوت شهرين لرئيس المجلس وبحاول اعين لقاء معه وبصعوبة تكان رد والاصح بردش علي .
ومبيرح في الليل بس أحط تعليق لشخص على الفيس ، رأساً ببعثلي على الماسنجر مش دايرين على أصوات !!!! لكان عشو دايرين !!!!
عفطاريش !!!!
شو معناتو هذا ..
هل السلطة ألمحلية ضد ألمرأة.. أو كفرد معي.. أو ﻷشخاص متعلمون ويريدون ألتقدم في مجالات الحياة..
يمكن وجودي في هاي المؤسسه مضايق بعض الأشخاص ؟؟
لويمته هذا ألوضع راح يستمر !!!
في مواقف وتصرفات تخطت ألخط أﻷحمر..
يطالبون المواطن بعدم التصرف بعنف وهم للعنف دفيئة ضاربين عرض الحائط القانون وحسن التعامل .
أنا لا أسكت على حقي ولا أقبل ألذل
وانا اخدم من خلال وظيفتي أبناء بلدي الأعزاء،وتلقى راتبي من الوزاره ،وهذه المؤسسه الخدماتيه ملك لاهالي البلد وليس لأحد ،كل ما يخبرني به المدير العام هو بتعليمات الرئيس .
أقول باعلى صوتي كفى الظلم والعنف ... كل واحد عنده ضمير ومبادئ وقيم وبعرف شو معنى احترام ومعنى الإنسانيه ، يساعد بشكل انساني وموضوعي في بلدنا ،لانه الألم كثير وبتأسف عهيك وضع .
شكراً لكل حدا تفرغ دقيقه وقرأ الستاتوس .