انا بنت عمري ١٧ مخطوبة كتير مريت بمشاكل وجروح بحياتي بس بدي احكي عن شغلة بطلت اغدر استنا لاحكيها مش عارفة شو اعمل ايدي مربطة بتمنا تساعدوني ..

من قبل سنة او اكثر كنت مع ابوي بالسيارة راح شوي وانتبهت لموبايلو اللي بضلو محافظ عليه وحتى بيشحنو بالمكتب تبعو وبحرص اكثر الحرص انو ما حدا يشوفو لقيت رسائل كثيرة من بنات واخذت نمرة وحدي بس ضيعتها استغربت كتير انصدمت وكنت صغيروة ما عرفتش شو اعمل .. يوم عن يوم بس كبرت صرت انتبه لاشياء اكثر مرة الصبح قبل ما اروح عالمدرسة نزلت عالمكتب تبعو ومسكتو وكل ما امسكو بتصيبني نفس الحالة ..

انتبهت انو بس ينزل عالمكتب بسكر المفتاح جربت اتسمع مرتين .. مرة كان يحكي مع وحدة وقبل كام يوم كان كمان يحكي مع واحد ويقولوا انا بدي اياها .. اختي من حكيها حسيتها عارفي ببس مش قدي بتعرف وجربت افتح الموضوع  معها ما غدرتش .. من جوا عم بتقطع يا ويلي مين اواجه شو مع امي واخوي شب كبير وانا مخطوبة وشو مع السمع وعارفي انو بدو يصير مشاكل كثير .. وبشوف ابوي شخصية تاني معنا ببينش عليه بتتوقعوش بستغرب كيف الناس بتغدر تكون باكثر من وجه والمشكلة مش غادري استوعب انو هيك عنجد ابوي ..

عنيت كثير وتعبت بحياتي بتمنا تساعدوني شو اعمل انا متحيرة والدليل بين ايدي "الموبايل" بس فش ولا اي طريقة اذا بدي احكي لامي بدو ينخرب البيت ولابوي بغدرش اواجهو وانا اكيد بدي اتضرر وخايفي اخسر خطيبي وسمعتنا بدها تنخرب وكلو بدو يعرف واعلق مع كل حيوانات الغابة وولا اعلق مع الناس وحكيهن ومش غادري اخبي بعد لانو بالاخير ادا عرفت امي الموضوع بدها تقولي لازم كونتي تقوليلي وبدي اندم ..